image001Ég fæ oft þessa spurningu: Veistu um einhver sniðug öpp til þess nota til að efla málþroska barna?
Af fenginni reynslu vil ég segja ykkur að Þetta snýst ekki um að hafa sem flest öpp. Það allra mikilvægasta í þessu sambandi er að einbeita sér að námi barnanna – Hvað viljum við að börnin læri?

Hvar eru börnin stödd? – hvað hentar börnunum okkar?

Hvert og eitt barn er einstakt – þarfir barna eru afar misjafnar

Þetta snýst um gæði og hvernig við ætlum að nýta öppin – hvert er markmiðið með notkun þeirra? Það er lykilspurningin.

Við verðum að passa okkur á því að gleyma okkur ekki í leit af námsefni og það verði markmiðið með notkun spjaldtölvunnar í stað þess að líta á hana sem verkfæri – það að við teljum að því fleiri öpp því betri kennsla gengur ekki upp.

Erum við að sækja verkfærið og spyrja svo hvað get ég gert með því en ekki öfugt?

Ég spyr þá á móti hvert er markmiðið? Ætlar þú að efla málskilning, máltjáningu, hlustun, hjóðkerfisvitund, lesskilning barnanna? Hvert er marmiðið – taktu fyrst ákvörðun um það og skoðaðu svo hvort þú finnur app sem barnið getur lært þessa þætti af.

Öpp sem koma til greina.image003

Ef þú ert að leita að appi til þess að nota skaltu byrja á því að leita að íslensku appi. Við erum jú að kenna börnunum íslensku.

Þá eru það smáforritin og það ætti ekki að koma ykkur á óvart að ég byrji á því að benda á íslensk öpp. Þvílík gæfa að það skuli vera til hugsjónakonur í hópi image005talmeinafræðinga sem leggja í það stórvirki að framleiða smáforrit á íslensku. Þrátt fyrir smáan markað og vitandi það að það er ekkert að græða á þessu.

Þetta eru að mínu mati smáforrit sem allir leik- og grunnskólar eiga að hafa í iPödunum sínum. Frábær íslenskt forrit fyrir börn sem undirbýr þau fyrir lestrarnám, eykur orðaforða þeirra og hljóðmyndun.

Með þessu frábæra appi læra börnin hin ýmsu orð, hvernig þau eru skrifuð, borin fram og hvað þau þýða.

bitsboardÉg kalla oft Bitsboard Pro Appið. Það er stórkostlegt app. Hægt er að velja allskonar flokka sem fylgja, eins og t.d. Föt, tölustafi, liti o.s.frv. Með þessu frábæra appi læra börnin hin ýmsu orð, hvernig þau eru skrifuð, borin fram og hvað þau þýða.

Eftir að flokkurinn hefur verið valinn þá er hægt að velja 5 erfiðleikastig eftir því hvað þarf að leggja áherslu á hverju sinni.

Tekið er fram að allir þeir flokkar sem fylgja eru á ensku en svo er hægt að þýða þá og ná í fleiri og er nú þegar hægt að ná í þó nokkra á íslensku. Hægt er að aðlaga alla flokkana og erfiðleikastigin eftir þörfum hvers og eins. Mjög sniðugt smáforrit sem hægt er að nota í málörvun, lestri, stafsetningu ofl. Einnig flott að nota það fyrir þá sem eiga erfitt með tjáskipti. Ef maður kýs að þýða flokk þá er einnig hægt að deila honum með öðrum notendum Bitsboard og fer flokkurinn þá inn í svokallað Catalog og þar er hægt að finna líka fleiri flokka sem aðrir hafa þýtt á hinum ýmsu tungumálum og því tilvalið að nota appið í tungumálakennslu.

ordaflippOrðaflipp er íslenskt sköpunarforrit fyrir skáld og rithöfunda framtíðarinnar. Orðaflipp veitir notandanum tækifæri til að hugsa út fyrir boxið, fylla hausinn af hugmyndum, hlæja og skemmta sér. Auk þess að vera öflugt sköpunartól þá bætir Orðaflipp orðaforða og þjálfar málfræði hjá ungum sem öldnum. Orðaflipp er þannig gagnlegt tól fyrir skapandi skrif, byrjendalæsi og almenna íslenskukennslu.

 

segulljodSegulljóð er afskaplega skemmtilegt app. Það er auðvelt í notkun og það skemmtilega við það er að notandinn getur gefið sér mismunandi forsendur áður en hann fær upp orðin til að vinna með. Í skólastarfi hefur það marga kosti og það má nota það fyrir mjög breiðan aldurshóp.

 

mjaskiSnjallforritið Mjási er bráðskemmtileg snertihljóðbók sem fjallar um köttinn Mjása sem hefur týnt fötunum sínum og ratar ekki heim. Við lesningu sögunnar þarf notandi að hjálpa Mjása að yfirstíga smáþrautir sem verða á vegi hans. Ýmsar skemmtilegar persónur koma fyrir í sögunni og hafa þær allar mikil áhrif á framgang mála í þessu skemmtilega ævintýri.

image015Myndasaga er fullt af skemmtilegum myndum af persónum, hlutum og bókstöfum sem krakkar geta raðað upp í bókina sína. Einnig fjöldi mismunandi bakgrunna.
Notandi getur búið til myndasögubók með einni eða fleiri blaðsíðum.
Í Myndasögu getur notandi einnig æft sig að skrifa orð með fallegum bókstöfum því í hverju þema eru myndir með bókstöfum, tölum og táknum. Þegar sagan er tilbúin er hægt að skoða hana eins og bók inn í forritinu eða vista fyrir iBooks eða önnur bókaforrit til að deila með vinum og fjölskyldu.

stafirnirStafirnir okkar er leikur fyrir spjaldtölvur og snjallsíma fyrir börn á aldrinum 2-5 ára sem eru að læra að þekkja íslensku bókstafina. Leikurinn er heillandi og auðveldur í notkun en hann kynnir íslenska stafrófið fyrir börnum á líflegan og skemmtilegan hátt.

 

 

image021

 

 

 

 

 

 

image019Íslenska stafrófið er einfalt forrit fyrir ung börn til að læra að þekkja stafina. Forrit eftir þær Soffíu og Helgu sem halda einnig úti síðunni hennar Soffíu sem er hér fyrir ofan.

 

 

 

 

Rafbækur

bookMeð Book Creator er hægt setja saman á einfaldan máta gagnvirka rafbók með myndum, texta, hljóð og upptöku. Hægt er að deila bókinni á einfaldan hátt t.d með pósti eða Dropbox. Með einni snertingu er hægt að lesa bókina í iBooks. Frábært forrit sem ætti að nýta sem allra allra mest í bæði leik- og grunnskóla.

image025Sama má segja um Little Story Creator sem er mitt uppáhalds app. Allt umhverfið í forritinu er svo barnvænt að mjög ung börn geta nýtt það. Ég hef verið að leika mér með 2 ára barnabarninu í því og í desember þegar ég var í flugvél með móður mína áttræða kenndi ég henni á forritið og henni fannst það göldrum líkast. Svo þetta er smáforrit sem hentar frá 2 ára og uppúr.

puppetPuppet Pals er ótrúlega skemmtilegt smáforrit. Í því er hægt að búa til sína eigin leiksýningu með leikurum og bakgrunnum. Börnin geta stjórnað leikurunum með því að draga þá inn á sviðið og út aftir, stækkað leikarana og minnkað. Rúsínan í pylsuendanum er að það er hægt að taka upp hreyfingarnar og hljóðin sem börnin búa til. Með Puppet Pals er hægt að búa til leikmynd með hreyfingum og hljóði á mettíma. Hægt er að velja leikara (jafnvel sjálfan sig) og bakgrunna. Þetta smáforrit ýtir svo sannarlega undir sköpunarkraft barnanna. Hægt er að flytja út myndbandið og nota þær t.d. í Book Creator.

Skapandi smáforrit

image029StopMotion er frábært app sem notað er til hreyfimyndargerðar. Í notkun þess gildir að vera hugmyndaríkur, því notkunarmöguleikarnir eru óþrjótandi.

 

 

imovieiMovie appið er mjög aðvelt í notkun hægt er að gera myndband á mettíma. Hægt er að bæta ljósmyndum, taka upp hljóð og tónlist á myndbandið. Einnig er hægt að velja milli mismuandi sniðmát (Theme) og velja transitions á milli myndbandsbrota.

 

image033

Öllum börnum þykja leyndardómar skemmtilegir. Með því að útbúa QR kvóða er hægt að setja upp skemmtilega lærdómsleiki, ratleiki og margt fleira.

 

image035

Croak.it er vefsvæði þar sem þú getur útbúið hljóðupptökur og vistað síðan sem QR kvóða, en á bak við QR kvóða getur þú sett nánast hvað sem þér dettur í hug.

http://croak.it og http://qrcode.kaywa.com

Hér er myndband þar sem kennt er að búa til QR kvóða.

image037

Hvar fæ ég hugmyndir og ábendingar um áhugavert efni

Hér má sjá hlekkir á þær síður sem ég fylgist reglulega með til þess að fá góðar hugmyndir og líka til þess að heyra um það hvað gengur og gengur ekki. Í flestum tilvikum er um að ræða kennara sem eru örlátir á að deila með okkur hinum því sem þeir eru að prófa í kennslu.

Gangi ykkur vel
Fjóla Þorvaldsdóttir sérkennari.                                         image027utikennsla

 

 


Ummæli

ummæli

Powered by Facebook Comments